--------------------------
---------------
كان ليا ف يوم صديق
كان ليا كل شئ
كانت ضحكته ترد الروح
وكلمه منه تداوى جروح
من غير ماقصد جرحته
وسبته مليان بالجروح
وتبدى الحكايه يوم معرفتها
قالت كلام كتير وأنا صدقتها
قولتلها انتى مين؟
قالت ملاك حزين
هربانه مـ الحياه
وخايفه مـ السنين
صعب عليا قلبها
وفـ حضن قلبى خدها
ومرت الأيام ....
لقتنى عشقتها
حكيت لصحبى عنها ووصفت ليه حبها
وصفت لون عيونها ورقة ضحكها
وقولت ليه دى أول واحده عرفتها
وأول واحده قلبى يحس بقلبها
ومن كتر كلامى عنها صحبى حبها
من غير ميشوفها حتى ولا يعرف اسمها
ومرت الأيام.....
وف مره خدت صحبى وروحت قابلتها
كان نفسه يشوف انسانه قلبى حبها
لكن لقاها واحده عاش عمره جنبها
طلعت اخت صحبى هى اللى بحبها
نزلت دمعة عيونه ودمعه من عنيها
قولت اكيد يعرفها وشئ رابطه بيها
سـألته وقولت مالك؟ يا صحبى ايه جرالك؟
بتبص ليه كدا ليها؟
رد وقالى خاين .. ابعد خليك ف حالك
وخدها من ايديها
ومشيو وسابو قلبى ينده عليه وعليها
بعديها كرهت نفسى . وكرهت حبى ليها
قصه من الواقع الى عايشينه
أتمنى تكون عجبتكم,,,
mr.medo